गजल:

जूनमा छौ की फूलमा छौ या- बहारमा पो छौ की तिमी !
यस्तो लाग्छ मेरै मनको संघारमा पो छौ की तिमी !!

हिंड्दा तिमी सरगम बज्ला, मुस्कुराउदा फूल फूल्ला
कल्पनाको यस्तै कुनै संसारमा पो छौ की तिमी !!

कैले तिम्लाई सुनमा खोज्छु, कैले गीतको धूनमा खोज्छु
खोला नाला सुसेलिको झन्कारमा पो छौ की तिमी !!

डुबेको छु सागर भित्र तिमीलाई खोज्दा खोज्दै
भेटाउदिन कतै पनि किनारमा पो छौ की तिमी !!

सुनेको छु मायाको नी खरिद बिक्रि चल्छ भन्ने
झुक्किएर जालमा परि बजारमा पो छौ की तिमी !!

कैहिले काँही त आफ्नो छाँया आफ्नै साथ हुन्न भन्छन्
डर लाग्छ पराईको निधारमा पो छौ की तिमी !!

- Hamal "express"
23 February '014. SK.